Акциите на швајцарската луксузна групација „Richemont“ се искачија на рекордно високо ниво откако се појавија информации дека активистичкиот инвеститор Ден Лоеб стекнува удел во компанијата.
Пред завршување на вчерашниот берзански ден акциите се тргуваа со раст од 2,8% до 123,65 швајцарски франци по акција, при што порастот достигна повеќе од 5% претходно во текот на денот до рекордни 126,55 швајцарски франци на берзата во Цирих.
Хеџ-фондот на „Loeb’s Third Point“ е посветен на швајцарската компанија, според веб-страницата за вести од луксузниот сегмент „Miss Tweed“. Портпаролот на „Richemont“ одби да коментира, а „Third Point“ исто така не одговори по барањата на „Bloomberg“.
Сопственикот на „Cartier“ и „Van Cleef & Arpels“ не се претставува толку добро како конкурентите „LVMH“ и „Kering“ во последниве години во позадина на полошите од очекуваните онлајн перформанси, како и брендовите „Chloe“ и „Dunhill“ и швајцарскиот бизнис со часовници.
„Некој надворешен притисок е секогаш здрав“, вели Жан-Филип Бертши, аналитичар во „Vontobel“, кој исто така повика на поактивно управување со портфолиото на компанијата.
Лоеб е меѓу луѓето кои се залагаат за промени во некои од најголемите и најпрестижните компании, вклучувајќи ги „Walt Disney Co.“, „Sony Group Corp.“ и „Nestle SA“ во Швајцарија. Минатиот месец, „Third Point“ објави дека има удел во „Royal Dutch Shell Plc“ и инсистираше да го прекине бизнисот на енергетскиот гигант.
Во последните пет години, акциите на „Richemont“ имаа годишен принос од околу 15%. Најголем дел од растот на компанијата во последните неколку години се должи на нејзиниот бизнис со накит.
Во текот на изминатите пет години, „Richemont“ претрпе неколку промени во своето управување, вклучително и промени на водечките менаџери и менаџерите на брендови. Претседавачот и контролниот акционер Џонатан Руперт (71) контролира 51% од гласачките права во компанијата, која има пазарна вредност од 72 милијарди швајцарски франци (79 милијарди долари).
