Матичната компанија на „British Airways“ – „IAG“, соопшти дека се насочува кон загуба од 3 милијарди евра во 2021-ва година, но додаде дека отворањето на трансатлантските летови ќе помогне да се постигне целта за враќање на профитот во следната година.
„IAG“ објави во петокот дека планира да лета со околу 60% од својот капацитет пред кризата во тековниот квартал. Во понеделник, Соединетите Држави повторно ќе ги отворат своите граници за британски и други странски патници, а овие патувања се една од најпрофитабилните рути на „IAG“.
Пандемските ограничувања, кои траеја поголемиот дел од 2021-ва година, ќе донесат годишна оперативна загуба пред еднократните ефекти од околу 3 милијарди долари, предупреди „IAG“, многу над консензуалната прогноза за загуба од 2,87 милијарди евра.
Ова го рангира „IAG“, кој исто така ги поседува „Iberia“, „Aer Lingus“ и „Vueling“, по европските ривали „Air France-KLM“, кој очекува благ профит за 2021-ва година и германската „Lufthansa“, која веќе објави ниски профити за кварталот јули-септември.
За летото – обично најпрофитабилниот период за авиокомпаниите, „IAG“ прикажа оперативна загуба пред еднократните ефекти од 485 милиони евра за периодот од јули до крајот на септември со консензусна прогноза за загуба од 513 милиони евра.
„IAG“ трпи негативни поради неговата поголема изложеност во Британија, каде сложените и скапи правила за тестирање за Ковид-19 го попречија летното патување. Во исто време, главните домашни пазари на „Air France“ и „Lufthansa“ закрепнаа побрзо поради помалку рестриктивните правила.
