Според аналитичката компанија „UBI Research“, корејскиот производител сака да го удвои производството на „OLED“ панели што се склопуваат во следната година.
Во моментов се вели дека „Samsung“ ќе произведе 8,1 милиони панели во 2021-ва година. Тоа би требало да се претвори во околу 8 милиони испорачани телефони на преклопување. Стапката на искористеност на монтажните линии е пријавена дека е околу 80 до 90%, што може да резултира со помал број.
Удвојувањето на производството на преклопливи „OLED“ екрани на 18 милиони би требало да се претвори во околу 14 до 16 милиони телефони на преклопување произведени во следната година. Подружница на „Samsung Display“ наречена „Dowoo Insys“ е компанија која се справува со ултра-тенкото стакло кое е потребно за уредите „Galaxy Z Flip“ и „Z Fold“ испорачани од „SCHOTT“ Германија. Најавено е дека „Samsung“ ќе постави повеќе производни линии за да го удвои производниот капацитет. „UBI Research“ исто така вели дека испораките на преклопни панели би можеле да достигнат 49 милиони единици во 2025-та година.
Зголеменото производство на преклопни панели ќе му овозможи и на „Samsung Display“ да ги продава на други производители на телефони. Се наведува дека кинеските производители, како што се „Xiaomi“ и „Vivo“, сакаат да купат „Samsung“ панели за нивните уреди на преклопување. Исто така, кружат гласини дека „Google“ и „Apple“ сакаат да додадат телефон на преклопување во нивната понуда, а „Samsung“ е очигледен избор за добавувачот на екранот.
