Најпопуларниот спортски автомобил на планетата – „Ford Mustang“, ќе ги смени своите генерации во 2022-ра година, бидејќи сегашниот „S550“ ќе го отстапи местото на новиот „S650“. Следната генерација на моделот ќе добие неколку познати мотори, кои, сепак, сега ќе бидат дел од хибриден систем.
Според инженерот Педро Марадеј, кој работеше и на претходната генерација на легендарниот модел и на новиот, идниот „Mustang“ ќе добие две хибридни модификации – 2.3L I4 Hybrid и 5.0L V8 Hybrid Pre-PS. Ова веројатно нема да ги задоволи најжестоките обожаватели на моделот, но е единствениот начин тој да добие дополнителна моќност и да ги исполни еколошките стандарди.
Токму поради повисоките нивоа на издувни гасови во „Ford“, тие беа принудени да ја намалат за 10 ks и моќноста од 10 Nm на моторот „Coyote V8“ што моментално е поставен на „Mustang“. Во исто време, употребата на хибриден погон ќе овозможи инсталирање на електрифициран погон на четири тркала. Запрашан да ги коментира овие наводи, еден од главните директори на „Ford“, Џим Овенс, беше краток: „Зошто да не? „Dodge Challenger“ има „AWD““.
Веќе во јануари 2019-та година, „Ford“ патентираше хибриден V8 систем со два електрични мотори. Може да се користи за модели со надолжно монтиран мотор и погон на задните тркала, како и со попречно монтиран мотор и погон на предните тркала. Според гласините, компанијата работи и на електричниот „Mustang“, кој ќе биде готов во 2028-ма година.
