Регулаторната комисија за енергетика и водни услуги донесе одлука со која ги зголеми малопродажните цени на нафтените деривати во просек за 1,23 % во однос на Одлуката од 12.10.2021 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемија за 1,00 ден за литар.
Малопродажната цена на Мазутот М-1 НС се зголеми за 0,249 денари за килограм и сега изнесува 43,010 ден за килограм.
Од 19.10.2021 година од 00:01 часот максималните цени на нафтените деривати изнесуваат:
Моторен бензин ЕУРОСУПЕР БС – 95 76,50 (денари/литар)
Моторен бензин ЕУРОСУПЕР БС -98 78,50 (денари/литар)
Дизел гориво ЕУРОДИЗЕЛ БС (Д-Е V) 68,50 (денари/литар)
Масло за горење Екстра лесно 1 (ЕЛ-1) 68,00 (денари/литар)
Мазут М-1 НС 43,010 (денари/килограм)