Шведскиот трговец со мебел „IKEA“ предупреди дека очекува прекинот на глобалните синџири за снабдување да продолжи барем уште една година.
Извршниот директор на компанијата Џеспер Бродин рече дека иако има одредено подобрување на ситуацијата, има постојан сообраќаен метеж во пристаништата, што доведува до проблеми во снабдувањето, објави „ВВС“.
„Мораме да живееме со превирањата и следната година“, додаде Бродин.
Енди Бонд, извршен директор на „PepCo“, кој е сопственик на „Poundland“, рече дека трошоците за испорака се зголемуваат.
„Има моменти кога требаше да платиме 10 пати повеќе од вообичаеното“, признава тој.
Според Бонд, „PepCo“ има големи акции за божиќните празници и не се очекува да ги зголеми цените за да се справи со зголемените трошоци за испорака. Сепак, тој очекува следната година да остане „предизвикувачка“.
Бродин, кој е извршен директор на „Ingka“, холдинг-компанија која управува со повеќето продавници на „IKEA“, за „ВВС“ изјави дека Велика Британија и другите земји се соочуваат со „метеж во пристаништата и нарушување на синџирите на снабдување“.
Минатиот месец, „IKEA“ соопшти дека се бори да обезбеди 10% од своите акции, или околу 1.000 производни линии, вклучувајќи душеци, во своите 22 продавници во Обединетото Кралство и Ирска, во услови на постојан недостаток на возачи за тешки товари.
„IKEA“ е принудена да купи дополнителни транспортни контејнери и чартер бродови за да се справи со недостатокот на производи.
„Испраќаме стока со воз од Кина до Европа и инвестираме во привремени складишта во Кина, Виетнам, Индија, Индонезија и Тајланд за да го поддржиме производството“, изјави портпаролот на „IKEA“ за „ВВС“.
Расте продажбата
„IKEA“ откри дека од почетокот на годината до крајот на август, нејзината продажба се зголемила за 6,3% до 37,4 милијарди евра. Според Бродин, кога пандемијата со Ковид-19 првпат го погоди регионот минатата година, групата беше принудена да го забрза својот план за инвестирање во стратегија за задоволување на потребите на клиентите и справување со „новата конкуренција“ со засилување на своите операции преку Интернет.
Бродин посочува дека она што компанијата го планираше како двегодишна трансформација е реализирано за два месеци.
