„PepsiCo“, еден од најголемите светски производители на пластични шишиња, рече дека драстично ќе ја намали употребата на овој материјал. Овој потег е дел од новите цели за одржливост на компанијата за безалкохолни пијалоци.
Таканаречената „девица пластика“ ќе се намали за 50% до 2030-та година, откри „PepsiCo“. Во истиот период, ќе воведе регенеративни земјоделски практики на својата земјоделска територија од околу 7 милиони хектари (28 илјади квадратни километри).
До 2040-та година, „PepsiCo“ планира да постигне нула емисија на штетни гасови.
Компанијата ќе ја искористи својата скала „за да помогне во изградбата на одржлив систем за храна“, рече извршниот директор Рамон Лагуарта.
„Потрошувачите ќе бидат сведоци на многу повеќе иновации“, рече тој.
На пример, чипсовите на компанијата „Lay`s“ ќе се произведуваат од компири што се одгледуваат преку регенеративно земјоделство, со нула нето-емисија и ќе се продаваат во биоразградливо пакување. Некои од целосно компостибилни растителни амбалажи за грицките „Frito-Lay“ ќе бидат пуштени подоцна овој месец, објави компанијата.
Покрај тоа, „PepsiCo“ планира да направи повеќе закуски од растителни протеини, ореви и цели зрна.
