понеделник, 8 август 2022
ПочетнаЕКОНОМИЈАМАКЕДОНИЈАМОН: Стабилна е состојбата со Ковид-19 во училиштата, само 0,02 отсто од...

МОН: Стабилна е состојбата со Ковид-19 во училиштата, само 0,02 отсто од вкупниот број ученици се новозаразени

Состојбата со Ковид-19 во училиштата е стабилна и континуирано се следи од надлежните здравствени институции. Според последниот пресек на Министерството за образование и наука добиен од училиштата, околу 0,02 % од вкупно 240 илјади ученици на ниво на држава се новозаразени случаи на Ковид-19, истиот процент е и кај наставниците. Од почетокот на учебната година до сега активни случаи од учениците биле 0,2 %. Некои од нив се веќе негативни и вратени на училиште, а други сѐ уште се во изолација, информираат од Министерството за образование.

Што се однесува на детаљните податоци, нив ги поседуваат надлежните здравствени служби кои ги издаваат решенијата за изолација, велат од Министерството.

„Тоа што е особено важно да се потенцира е дека во училиштата до сега нема трансмисија на заразата. При појава на ученик или наставник со симптоми на заразата, училиштата постапуваат во согласност со протоколите и алгоритмите“, потенцираат од МОН.

Oд оваа институција апелираат на доследно почитување на здравствените протоколи и одговорно однесување од страна на сите засегнати факторти во воспитно-образовниот процес бидејќи, како што велат, само на тој начин ќе се одржи наставата со физичко присуство во училница, која е во најдобар интерес на учениците и нема подобра алтернатива.

НАЈНОВИ ВЕСТИ

ХОРОСКОП