„Android 12“ беше во подготовка подолго од многу од неговите претходници, но сега има информации кога конечно ќе може да се испорача. Мишаал Рахман, уредник на „XDA-developers“, тврди дека „Google“ планира да објави (Android Open Source Project) верзија на „Android 12“ на 4-ти октомври.
Со оглед на тоа што компанијата често издава полирани јавни верзии истовремено со „AOSP“, ова сугерира дека сопствениците на телефони „Pixel“ би можеле да добијат надградба на најновата верзија на оперативниот систем на тој датум.
Доколку датумот се покаже како точен, тоа исто така укажува на можно излегување на телефоните „Pixel 6“ подоцна во октомври, со оглед на тоа што „Google“ не може да ги претстави своите најсилни модели без „Android 12“. Оние што не користат „Pixel“ уреди, ќе треба да бидат трпеливи некое време за да го добијат „Android 12“.
Додека некои производители имаат добра репутација и ги објавуваат најновите ажурирања на „Android“ неколку недели по дебито на софтверот, на други им се потребни месеци за да го сторат тоа.
И покрај тоа што „Google“ може да ги намали одложувањата за ажурирање преку својата иницијатива „Project Treble“, на компаниите сѐ уште им е потребно време да го прилагодат „Android“ за нивните кориснички интерфејси, како и да го тестираат софтверот со провајдерите и корисниците.
