Ауди за саемот на автомобили во Франкфурт го подготвува новиот „Quattro Concept“ со хибриден погонски систем кој ќе биде во состојба да произведе 800 „коња“.
За разлика од претходниот „Quattro Concept“ кој беше претставен во 2010-та година и кој беше базиран на Ауди „RS5“, новата верзија ќе биде базирана на скратената платформа на моделот „RS7“.
За погонот е употребен 4.0 литарски „twin-turbo“ V8 со преку 600 ks кој е поврзан со електромотор од 170 ks (125 kW).
Како што велат од Ауди овој систем со погон на сите четири тркала ќе му овозможи на овој автомобил да располага со скоро 800 ks и 1.000 Nm максимален вртежен момент.
Од 0 до 100 km/h „Quattro Concept“ ќе разавие за 3.4 секунди, додека максималната брзина ќе изнесува 300 km/h.
Соодветно на перформансите, автомобилот ќе има и специјално адаптивно спорстко потпирање, диференцијал со ограничено пролизгување и керамички сопирачки.
Иако од Ауди соопштија дека станува збор за концептен автомобил се шпекулира дека во 2016-та година во продажба би можело да се најде и сериски модел во ограничена серија со почетна цена од околу 200.000 евра.
