Првично, илјада парчиња CyberDog ќе бидат во продажба, кои ќе бидат наменети за програмери и инженери кои треба да развијат апликации за него и да обезбедат бројни опции.
Покрај новиот модел на паметни телефони, Xiaomi вчера претстави и роботско куче наречено CyberDog кое многу потсетува на роботот Spot, на Boston Dynamics. И двата модели делат агресивен, донекаде застрашувачки дизајн, а Xiaomi вели дека не предвидувале некоја одредена цел за CyberDog, но роботот е наменет за дивилопери кои ќе развијат разни апликации за него, кои треба да обезбедат бројни опции што ќе бидат возможни со него. Се чини, границата е само фантазијата на дивилоперот.
Сајбер кучето се напојува со платформата за вештачка интелигенција на Nvidia, Jetson Xavier NX и е опремена со единаесет различни сензори – од ултразвучни сензори и камери до GPS, благодарение на што може да препознае објекти во близина и да се движи полуавтономно.
Иако едвај можеме да замислиме некој да користи CyberDog како милениче, Xiaomi вели дека овој робот може да ги следи своите сопственици (благодарение на технологијата за препознавање лица) и да одговори на гласовни команди. Може да препознае збор за активирање (сличен на паметните звучници), а исто така може да се управува преку апликација за паметни телефони. Од Xiaomi велат дека нивното роботско куче може дури и да изврши салто наназад и дека неговата максимална брзина е 3,2 m / s (што е сепак побавно од 3,9 m / s што Spot може да истрча).
Интересно, Xiaomi го опреми својот робот со три USB-C и една HDMI порта, така што периферните уреди ќе можат да се поврзат со него и дополнително да ги зголемат неговите способности. Како некои примери, тие споменаа поврзување со лидар, панорамски камери и светла за пребарување.
Во споредба со Spot, не е ни толку скапо. Цената од околу 1.500 долари, се разбира, не е мала, но во споредба со скоро 75.000 долари што треба да ги платите за Spot, таа е сосема прифатлива. Но, таа цена важи само за првите илјада парчиња што се пуштени во продажба, и не е познато колку ќе чини роботот откако ќе се продаде првата залиха. Ќе биде интересно да се види со какви идеи ќе дојдат развивачите и „роботските ентузијасти“, како што ги нарекоа од Xiaomi откако ќе го добијат CyberDog, и можеме да очекуваме кинеската компанија да ги објави најкреативните решенија на Интернет. На пример Spot се користи во различни сценарија и е тестирано од полицијата и војската, додека еден јутјубер го користи како чешма буре за пиво што се движи.
