„SoftBank“ продаде акции на американски технолошки гиганти вредни неколку милијарди долари, пренесува „CNBC“, повикувајќи се на финансиските извештаи на компанијата објавени денеска.
Конгломератот со седиште во Токио инвестираше во „Facebook“, „Microsoft“, „Alphabet“ и „Netflix“ преку својата поделба „SB Northstar“.
Инвестициите во горенаведените компании беа пријавени во извештајот на компанијата заклучно со 31-ви март, но не заклучно со 30-ти јуни.
На крајот на првиот квартал од 2021-ва година, „SoftBank“ имаше инвестиција од 3,1 милијарди долари во „Facebook“, 1 милијарда долари во акции на „Microsoft“, 575 милиони долари во акции на „Alphabet“ и 382 милиони долари во „Netflix“.
Сите четири инвестиции не се вклучени во јунскиот извештај. Одделно, „SoftBank“ ја намали инвестицијата во „Amazon“ од 6,2 милијарди долари на 5,6 милијарди долари.
Вкупната инвестиција на „SB Northstar“ во јавните компании падна на 13,6 милијарди долари на крајот на јуни, наспроти 19 милијарди долари еден квартал претходно.
Минатиот септември, „Financial Times“ објави дека „SoftBank“ е мистериозниот голем купувач што купува акции за милијарди долари, што доведе до зголемување на цените на акциите.
Нето добивката на „SoftBank“ за кварталот падна за 39 проценти на 6,9 милијарди долари, главно поради строгите регулативи од кинеските регулатори, што влијаеше на инвестициите во „Alibaba“ и „Didi“.
Од своја страна, „SoftBank Vision Fund“ објави профит од 2,1 милијарди долари.
