Од премиерата на флексибилниот „iPhone“ не делат најмалку 2-3 години

Според „Bloomberg“, решението на „Apple“ кога станува збор за телефони со флексибилен екран се очекува најрано за две до три години.

Се очекува дека во тој период, „Samsung“ ќе направи значителна предност во сегментот на флексибилни телефони. Мора да се признае, „Apple“ никогаш јавно не изрази интерес за флексибилниот телефонски сегмент, но некои патенти сугерираат дека компанијата размислува во оваа насока.

Флексибилниот „iPhone“ сигурно би можел да биде интересен уред, но сепак останува прашањето дали телефоните со флексибилен екран ќе станат следниот стандард во индустријата за паметни телефони.

Во моментов, флексибилните телефони сѐ уште се премногу скапи за да станат „мејнстрим“, па можно е „Apple“ да чека пад на цените на овие уреди за да влезе и во овој пазарен сегмент.