четврток, 8 декември 2022
ПочетнаТЕХНОЛОГИЈАПретставена серијата на телефони Realme GT Master Edition

Претставена серијата на телефони Realme GT Master Edition

„Realme“ официјално ја претстави својата телефонска серија „GT Master Edition“. Ова се верзии на уредите на компанијата со врвен дизајн, за кој е задолжен индустрискиот дизајнер од Јапонија – Наото Фукасава. Воведени се моделите „Realme GT Master Edition“ и „GT Master Exploration Edition“.

Дизајнот на задниот дел од телефонот вклучува модели со ребрести линии, заедно со мека кожа. Постојат и повеќе традиционални верзии од матирано стакло.

„Realme GT Master Exploration Edition“ доаѓа со заоблен 6,55-инчен „Super AMOLED“ панел, со брзина на освежување од 120Hz и резолуција FHD +. „Standard Master Edition“ користи рамен супер „AMOLED“ панел од 6,43 инчи и има брзина на освежување од 120Hz. Двата телефони се со „punch-hole“ селфи камера од 32MP и сензор за отпечатоци под дисплејот.

На задниот дел на двата уреди има малку поинакви системи на камери. „Exploration Edition“ има 50MP главен сензор „Sony IMX766“ со поддршка за OIS, а има и 16 МР ултра-широка и 2MP макро камера. Стандардниот модел користи 64MP главна камера, заедно со 8MP ултра-широка и 2MP макро.

Кога станува збор за чипсетот, „Exploration Edition“ се потпира на Snapdragon 870, додека стандардниот „GT Master Edition“ го користи Snapdragon 778G. 8 GB и 12 GB RAM меморија се достапни, како и 128 GB и 256 GB меморија за складирање.

Батеријата од 4.500mAh го напојува „Exploration Edition3, додека стандардниот модел користи батерија од 4.300mAh. И во двата случаи, поддржано е брзо полнење од 65W преку адаптерот „SuperDart“.

„Realme GT Master Edition“ доаѓа во сива, бела и градиент варијанта, со почетна цена од околу 370 долари за 8/128 GB, додека варијантата 8/256 GB чини околу 400 долари.

„Realme GT Master Exploration Edition“ пристигнува во сива и кајсија боја, по цена од околу 432 долари за моделот 8/128 GB и околу 478 долари за верзијата 12/256 GB. Цените се за кинескиот пазар, каде телефоните прво ќе бидат пуштени во продажба од 30-ти јули.

НАЈНОВИ ВЕСТИ

ХОРОСКОП