Играта „Супер Марио“ за конзолата Nintendo 64 е продадена на аукција за 1,56 милиони долари, што е нов рекорд за видео игра, објави американската аукциска куќа „Heritage Auctions“.
„Тоа е првата игра некогаш продадена на аукција за повеќе од милион долари“, изјави за Франс прес – Ерик Бредли, портпарол на аукциската куќа со седиште во Далас во американската држава Тексас.
„Херитиџ“ веќе го постави првиот рекорд во петокот со продажба на играта за поранешната конзола на Nintendo NES, Legend of Zelda, која беше продадена за 870.000 долари.
Играта Супер Марио 64 е од 1996 година и користи 3D за прв пат.
Тоа е единствената позната копија која доби рејтинг од 9,8 A++ од компанијата специјализирана за видео игри Вата, која ја проценува состојбата на игрите, рече Бредли, додавајќи дека ова е највисока оценка што може да ја добие ретро игра.
Интересот на колекционерите за класични игри постојано расте во последните неколку години. Во април, видео играта Супер Марио Брос во 1986 година за Nintendo NES беше продадена за 660.000 американски долари.
