„Huawei“ потпиша договор за лиценцирање што ќе овозможи употреба на нејзината 4G технологија во автомобили произведени од групацијата „Volkswagen“, објави кинескиот технолошки гигант.
Договорот е најголем досега во автомобилската индустрија, додаде „Huawei“.
Ова се случува во време кога компанијата агресивно таргетира кон паметните возила и други нови сектори откако американските санкции ја погодија традиционалната мрежна опрема и деловни линии на паметните телефони.
„Huawei“ не ги откри финансиските услови или го идентификуваше снабдувачот на „VW“, но рече дека договорот вклучува лиценца според 4G патентите на „Huawei“, која опфаќа автомобили на „Volkswagen“ опремени со безжична конекција.
Подоцна „VW“ издаде изјава во која се вели: „Го поздравуваме фактот дека водечка компанија за ИКТ (информатичка и комуникациска технологија) му додели лиценца на еден од нашите добавувачи за стандардни основни патенти за мобилни комуникации. Ова лиценцирање на синџирот на снабдување е модел за тоа како може да успее поблиска соработка помеѓу автомобилската индустрија и информатичката и комуникациската индустрија“.
Означувајќи го „Huawei“ како безбедносна закана, САД забранија компанијата да работи на огромниот пазар во САД, ја прекинаа од глобалните ланци на снабдување и извршија притисок врз своите сојузници да ги забранат или отстранат капацитетите на „Huawei“ од нивните национални телекомуникациски системи.
„Huawei“ ги негираше обвинувањата на Вашингтон и рече дека САД никогаш не доставиле докази за тоа.
Како одговор, компанијата, најголемиот снабдувач на опрема за телекомуникациска мрежа и поранешен водечки снабдувач на паметни телефони, се сврте кон другите деловни сегменти за опстанок.
Покрај тоа што им доставува технологија на производителите на паметни автомобили, таа е заинтересирана да се пресели во секторот на софтвер, како и во „cloud computing“.
Минатиот месец, „Huawei“ лансираше сопствен оперативен систем за мобилни телефони, откако американските санкции му забранија да го користи „Android“ системот на „Google“ на своите паметни телефони.
