Освојувањето на вселената е повторно актуелно.
Трката по вселената некогаш беше суштина на Студената војна, во која најголемите светски сили се бореа за превласт и „освојување“ на сè уште неподелениот дел од светот.
Неколку децении подоцна, битката за вселената се пресели во доменот на егото на најбогатите луѓе во светот, во кое тие не ги жалат милијардите долари за инвестиции, но се надеваат на уште поголема заработка доколку први ќе комерцијализираатлетови надвор од нашата планета.
Како што универзумот од доменот на национален интерес и безбедност се пресели во доменот на профит и престиж, така методите на Студената војна беа заменети со јавни препукувања на социјалните мрежи.
Покрај Илон Маск и Џеф Безос, во трката се вклучи и британскиот милијардер Ричард Бренсон, кој според најавите ќе биде првиот кој ќе лета во вселената. Тој го најави своето патување за 11 јули и така реши да го престигне основачот на Амазон, Џеф Безос, кој го најави своето патување со своето летало Blue Origin за 20 јули.
Ричард Брансон
возраст: 70 години
богатство: 5,8 милијарди долари
компанија: Virgin Galactic
полетување: 11 јули
„Мајка ми ме научи никогаш да не се предавам и дека можам да досегнам до ѕвездите“, рече Бренсон, најавувајќи дека неговата компанија ќе биде меѓу првите што ќе започнат летови во вселената.
VSS Unity е вселенско летало кое ќе се лансира од внатрешноста на носачот на авиони на висина од околу 15 километри до околу 80 километри, а неговите патници ќе можат да ја набудуваат закривеноста на Земјата и да бидат во бестежинска состојба околу 6 минути. Сепак, проблемот на Брансон е што ФАИ (Меѓународна аеронаутичка федерација) ја дефинира границата на земјината атмосферата и вселената, таканаречената Карманова линија, на 100 километри надморска височина, која е 20 километри оддалечена од местото каде што ќе пристигне неговото летало.
Сепак, Брансон „на своја страна“ ги има американското воено воздухопловство и НАСА, кои ја поставуваат границата на вселената на 80 километри надморска височина. Во секој случај, Вирџин Галактик добро се снаоѓа во вселенскиот туризам, бидејќи во моментов има повеќе од 600 закупени билети до дестинацијата, од 250 000 американски долари, а меѓу патниците се и Леонардо ди Каприо и Џастин Бибер.
Џеф Безос
возраст: 67 години
богатство: 198 милијарди долари
компанија: Blue Origin
полетување: 20 јули
-Сонував за патување во вселената од мојата петта година. На 20 јули, ќе тргнам на тоа патување заедно со брат ми – рече Безоs, најавувајќи го својот лет.
Докажано е дека неговата ракета “New Shepard” може да достигне висина од 100 километри надморска височина, но ќе видиме колку ќе достигне со своите четворица патници.
Четворицата ќе бидат Џеф Безос, неговиот брат Марк, мистериозен патник кој плати 28 милиони долари за ова задоволство, и 82-годишната Мери Воли. Оваа патничка тренираше за своето патување во вселената уште од 60-тите години на минатиот век, но и беше ускратено затоа што е жена.
Иако Брансон го престигна Безос со датумот на првото полетување, основачот на Амазон „победи“ во еден круг со тоа што на своја страна ја привлече баба Воли, жртва на родова неправда, иако најпрво плати лет со компанијата на Брансон.
Се предвидува дека ќе бидат потребни околу 3 минути за авионот да ги донесе патниците до посакуваната висина, потоа уште 3 минути во речиси бестежинска состојба кога ќе можат да ги откопчаат појасите и да лебдат, како и да ја набљудуваат линијата на закривеност на Земјата преку прозорецот на капсулата. После 10 минути по лансирањето, следува враќање на Земјата.
Датумот 20 јули исто така беше избран по годишнината од слетувањето на Месечината во 1969 година, но за разлика од мисијата Аполо, луѓето нема да пилотираат со модули. Наместо тоа, леталото “New Shepard” е целосно автономно и ќе го следи програмираниот тек на мисијата пред да се врати со падобран назад на Земјата.
Илон Маск
возраст: 50 години
богатство: 167 милијарди долари
компанија: SpaceX
полетување: непознат датум
„Сакам да умрам на Марс, но да го преживеам слетувањето“, рече Маск во една прилика, без да ја соопшти својата специфична намера да патува во вселената.
Сепак, за разлика од Безоз и Брансон, Маск и неговата компанија SpaceX веќе имаат долго и успешно искуство за лансирање товар далеку над границата од 100 километри.
Неговата компанија најави цивилна мисија во орбитата до крајот на годината, со патници кои ќе кружат околу планетата Земја околу 4 дена пред да се вратат на Земјата.
Местата за сите четворица патници во мисијата ги плати пилотот и милијардер Џеред Ајзакман, основач на Shift4 Payments, кој одби да открие колкава е сумата. Илон Меск не објави дека ќе биде меѓу патниците на првиот лет.
Сепак, уште во 2016 година, Маск ја претстави својата визија за градење колонија на Марс „за време на нашите животи“.
