Преминувањето кон електрични возила е процес што не може да се запре, а за тоа е свесен и вториот по големина светски производител, „Volkswagen“.
Ова го потврди и шефот на одделот за продажба на компанијата Клаус Зелмер, кој во интервју за „Muenchner Merkur“ призна дека од 2033-та до 2035-та година „Volkswagen“ ќе престане да им нуди автомобили со мотори со внатрешно согорување на Европејците.
Така, компанијата со седиште во Волфсбург е уште еден производител кој се залага за специфични рокови за целосно префрлување на електрични автомобили. Ова се должи на намалувањето на емисиите на „СО2“ за да се исполнат новите еколошки стандарди.
Во истото интервју, Зелмер призна дека рокот за САД и Кина ќе дојде „малку подоцна“ по Европа, но не се обврза на одреден датум. Што се однесува до Јужна Америка и Африка, процесот на префрлување на електрични возила ќе трае многу подолго, барем затоа што овие два региона не се подготвени за такво нешто – и легално и поради недостаток на инфраструктура.
Врвниот менаџер појасни дека во овој случај станува збор за брендот „Volkswagen“, и не сите брендови во групата. Некои брендови – како што е „Audi“, на пример, ќе стане производител на електрични автомобили уште порано. Од Инголштад веќе објавија дека ќе престанат да развиваат мотори со внатрешно согорување во 2026-та година, а од 2032-ра година ќе произведуваат само електрични автомобили.
