Извршниот директор на „SoftBank“, Масајоши Сон, рече дека откупот на акциите останува опција за конгломератот со оглед на падот на цената на акциите на групацијата.
„Откупот секогаш е на ум како важна опција, но кога и колку ќе биде големо тоа бара балансирано разгледување“, рече Сон на годишното собрание на акционери на „SoftBank“, додавајќи дека групата треба да размисли за алтернативна употреба на својот капитал.
Акциите на „SoftBank“, која во мај ја заврши програмата за откуп за 2,5 трилиони јени (22,6 милијарди долари), падна во вредност со оглед на слабоста на технолошките акции. Ова помогна да се зголеми разликата помеѓу вредноста на активата на групата и цената на акцијата на околу 50%.
Во средата, вредноста на акциите на „SoftBank“ остана непроменета на 7.699 јени. Дополнителни падови до 7.000-7.500 јени „може да ги зголемат очекувањата за откуп“, рече аналитичарот на „Jefferies“, Атул Гојал.
Со откупот на акции би се зголемил сопствениот удел на 63-годишниот Сон и би било полесно да се постигне секој откуп од страна на раководството.
„Верувам дека нашиот потенцијал е многу поголем од намалената цена на акцијата“, рече Сон, повикувајќи ги акционерите да гледаат на компанијата на долг рок.
Милјардерот се обидува да се фокусира на улогата на „SoftBank“ како „снабдувач на капитал за информациска револуција“ што поддржува технолошки стартапи ширум светот, но се соочи со периодични прашања на плановите за откуп.
