Следниот „Moto Razr“ не се очекува пред 2022-ра година?

Минатата година, „Motorola“, наводно, започна да работи на наследник на флексибилниот телефон „Razr“, кој се предвидуваше да биде објавен во текот на 2021-ва година. Сепак, сега нови извори сугерираат дека новиот „Moto Razr“ можеби нема да се појави подоцна во оваа година, но ќе биде објавен во 2022-ра година.

Аналитичарот Рос Јанг сугерира дека фановите ќе мора да почекаат до следната година за да купат нов флексибилен телефон „Motorola Razr“. За жал, не се познати причините зошто „Motorola“ одлучи да го одложи објавувањето на уредот за следната година (ако се испостави дека се точни гласините). Една од причините може да биде проблем со залихите на чипови и материјалите за изработка.

Актуелниот „Moto Razr“ доби пофалби кога беше објавен во 2019-та година, но и многу критики. Ажурираната 5G верзија на уредот пристигна минатата година, со сензорот за отпечатоци преместен на задната страна. Овој модел изгледаше повеќе премиум и има подобар механизам на шарката, како и подобри спецификации за камерата и малку поголема батерија.

Не е познато какви подобрувања ќе има следниот „Moto Razr“, но се очекува подобар дисплеј, елементи на камерата на задната и предната страна, чипсет кој троши помалку и можеби поддршка за 5G уште од самиот почеток.