Официјално претставен „Moto G Stylus 5G“ со батерија од 5.000 mAh (ВИДЕО)

„Motorola“ веќе го објави „Moto G Stylus“ (2021), а телефонот сега доаѓа со „5G“ можности. „Moto G Stylus 5G“ беше официјално претставен во САД, каде што ќе се најде во продажба од 14-ти јуни по цена од 399 долари.

Самото име означува дека телефонот доаѓа со поддршка за паметно пенкало со игла. Покрај тоа, тој има 6,8-инчен 1080 x 2400p LCD екран, чипсет Snapdragon 480 5G, 6 GB RAM, 256 GB простор и батерија 5.000mAh со полнач од 10W во пакетот.

На задниот дел од телефонот има главна камера од 48MP f/1.7, ултра широка од 8MP f/2.2 118 °, сензор за длабочина од 5MP и 2MP. На предната страна се наоѓа селфи камера од 16MP во „punch-hole“ отворот. Уредот работи на оперативниот систем „Android 11“, направен е од пластика и ќе се нуди само во „Cosmic Emerald“ бојата.