Неодамна, имаше информација дека „Samsung Display“ планира да произведе „Ultra Thin Glass“ (UTG) за „Google“ и други компании. Сега, „The Elec“ нуди повеќе детали за оваа иницијатива на јужнокорејската компанија.
Покрај „Google“, „Samsung“ има потпишано договори со „Xiaomi“ и „Vivo“. Трите компании планираат да ги претстават своите телефони со флексибилни екрани во текот на четвртиот квартал од оваа година, така што „Samsung Display“ ќе започне со масовно производство на флексибилни „OLED“ панели во октомври.
Според информациите, флексибилниот „Google Pixel“ ќе користи 7,6-инчен дисплеј, кој се витка навнатре. „Vivo“ ќе користи 8-инчен панел со сооднос 10,2: 9. Димензиите на екранот на телефонот „Xiaomi“ не се познати.
„Оppo“ требаше да издаде и флексибилен телефон со панели на „Samsung“, но оваа објава наводно беше одложена за 2022-ра година.
„Samsung Display“, се разбира, произведува „OLED“ панели и „UTG“ за „Samsung Electronics“ и претстојните телефони на компанијата „Galaxy Z Fold3“ и „Z Flip3“, кои треба да бидат претставени следниот месец.
