Главната цел на „Philip Morris International“ во моментот е да ја трансформира компанијата и да развива производи што не се базираат на класичен тутун и никотин. Ова го изјави Јацек Олчак, извршен директор на „Philip Morris International“ за „Bloomberg“.
„Верувам дека еден ден ќе мора да ги потсетам луѓето дека „Philip Morris International“ беше компанија која некогаш продаваше цигари. Се надевам дека за 10 години ќе ја имаме првата група на пазари каде што цигарите веќе не се продаваат или затоа што нема побарувачка, или затоа што се воведени регулативи што поттикнуваат постепено исфрлање на цигарите“, рече Олчак.
Околу 25% од нето приходите на компанијата се веќе генерирани од новите алтернативи без чад, а до 2025-та година ова учество треба да достигне 50%, рече Олчак.
„Ја трансформираме компанијата во бездимна. Започнавме нова страница во историјата на „Philip Morris International“ и се шириме кон производи што не се во врска со тутунот и никотинот. До 2025-та година, треба да ги достигнеме првите милијарди долари од овие нови производи кои немаат никаква врска со тутун и никотин“, вели тој.
Компанијата постојано бара нови области на активност и нови можности за раст и развој, рече Олчак, повикувајќи се на соработката со канадски „Medicago“, кој работи на нова вакцина против Ковид-19 заснована на растенија.
„Растението што „Medicago“ го користи е тутун. Имаме малцински удел во оваа канадска компанија, а најголемиот дел го има голема јапонска фармацевтска компанија. Наш придонес кон компанијата е нашето знаење за тутунот“, рече Олчак.
Олчак ги истакна длабинските случувања во различни научни области на истражувачките центри на компанијата.
„Можеме да го искористиме ова акумулирано знаење и за други работи. Една можност води кон друга, една можност доведува до нова можност и ова е патот по кој сакаме да го одиме“, изјави тој.
Компанијата продолжува да ги едуцира потрошувачите за придобивките од своите производи без чад и воведува нови технологии насочени кон намалување на ризикот од употреба на производи од тутун од страна на малолетници. Ова е идејата зад новата електронска цигара лансирана во Нов Зеланд, Чешка и Италија.
„Сега тестираме далечинско заклучување на уредот – решение што секој ќе го има на својот паметен телефон. Односно, го купувате уредот и за да го користите, треба да се регистрирате. Значи, можеме да провериме дали сте возрасен корисник и дали е така тоа, ние го отклучуваме уредот за вас“, рече Олчак и додаде дека уредот ќе биде објавен на другите европски пазари.
Уредот за загревање на тутунот „IQOS“ или слични производи без чад се многу подобра алтернатива од пушењето цигари, рече Олчак и тие веќе се основна дејност за „Philip Morris International“.
„Ова е нашата цел – да ја трансформираме компанијата и да го оставиме чадот во минатото. Верувам дека овие производи денес се подобри од долгорочното пушење и има доволно научни докази дека префрлањето кон нив е многу подобар избор за возрасни пушачи, секако по откажувањето од пушењето“, рече тој.
