Компаниите „Samsung“ и „LG“ започнаа со производство на премиум 120Hz екрани за следната генерација на „Apple“ телефонот – „iPhone 13“.
Според извештаите, „iPhone 13 Pro“ и „iPhone 13 Pro Max“ ќе користат 120Hz LTPO дисплеи на „Samsung“, додека стандардниот „iPhone 13“ ќе користи „LG“ дисплеи со освежување од 60Hz.
Преминувањето кон технологијата „LTPO“ ќе му овозможи на „Apple“ да заштеди на потрошувачката на енергија на новите модели на „iPhone“, бидејќи ќе може индивидуално да ги осветлува пикселите на дисплејот, наспроти осветлувањето на целиот екран.
„Apple“ ја користи технологијата „LTPO“ во паметните часовници „Apple Watch Series 5“ и „Series 6“, а слична функција секогаш вклучена ќе имаат и телефоните „iPhone 13“.
