Откога „Renault“ започна да постигнува одлични резултати со евтините возила на нивниот бренд „Dacia“, сите други производители мораа да се прилагодат на нивната стратегија.
Меѓутоа, мал е бројот на оние купувачи на кои има се допадна „Fiat Albea“ или „Peugeot 206“ седан или некој друг модел. Иако тие забележаа солидна продажба, никако неможеа да се споредат со продажбата која ја забележа моделот „Logan“ на големиот број на различни пазари, вклучувајќи ја и западна Европа.
Покрај тоа што е духовен наследник на „Lada Riva“, овој модел веќе го пронајде својот пат на пазарот во Европа. Со тоа „AutoVAZ“ донесе одлука на истите пазари да го претстави и нивниот нов модел „Granta“ и на тој начин да ги тестира пазарите.
Првите луѓе на оваа компанија сметаат дека можат да забележат продажба од пет илјади примероци од овој модел во Европа на годишно ниво што би имало големо влијание на реномето на овој производител.
