Листата на „Geekbench“ открива резултати за „Nokia C20 Plus“, кои покажуваат скромни перформанси на телефонот. Секако, ова треба да се очекува за еден „Android 11 Go Edition“ модел.
Сепак не наведува специфичен чипсет, само укажува на тоа дека тој е создаден од „Unisoc“. Станува збор за осум-јадрен процесор, со четири јадра од 1.6GHz и четири јадра од 1.2GHz, а резултатите сугерираат дека станува збор за истиот чип што го користи моделот „Nokia C20“ (Unisoc SC9863A).
Интересно, „Nokia C20 Plus“ доаѓа со 1 GB RAM меморија повеќе од стандардниот модел и има 3 GB, што значи дека треба да понуди подобри перформанси за време на мултитаскингот.
Од претходно протечените информации, знаеме дека „Nokia C20 Plus“ ќе има две камери и батерија од 5.000mAh. Се очекува и модел „C30“ со батерија од 6.000mAh и сензор за отпечатоци.
