„Vodafone Group“ очекува да може да ги зголеми своите маргини на среден рок, откако стратегијата на извршниот директор Ник Рид за трансформација на една од најголемите телекомуникациски компании во светот започна да се исплати, пренесува „Bloomberg“.
„Vodafone“ очекува прилагодената заработка пред каматата, даноците и амортизацијата за 2022-ра година да биде помеѓу 15 и 15,4 милијарди евра, а прилагодениот проток на слободни пари да биде најмалку 5,2 милијарди евра.
Во четвртиот квартал на компанијата, органските приходи од услугите се зголемија за 0,8 проценти од просечната прогноза на аналитичарите за 0,4 проценти, според „Bloomberg“.
Рид сака да стори повеќе со помалку. Затоа продаде дел од единиците на телекомуникациската група во Нов Зеланд, истовремено намалувајќи ги трошоците и консолидирајќи ги операциите во Европа и Африка. Во срцето на неговата стратегија е инфраструктурната единица на „Vodafone“ – „Vantage Towers“, која во понеделникот објави финансиски резултати што одговараат на предвидувањата.
Телекомуникациската групација сега ќе се фокусира на фиксно и мобилно поврзување во Европа, како и на мобилни податоци и плаќања во Африка, се вели во денешното соопштение на компанијата.
Во исто време, шпекулациите за потенцијални зделки за консолидација продолжуваат да се појавуваат во медиумите кога се спојуваат конкурентите во Европа. „Liberty Global“ ќе ги спои своите британски операции во „О2“ на „Telefonica“, а шпанскиот „Masmovil Ibercom“ ќе го купи „Euskaltel“.
Цената на акциите на „Vodafone“ порасна за 12,5% во период од 12 месеци до вторникот, во споредба со порастот на „Stoxx Europe 600 Telecommunications Index“ од 13,1%.
