Поголемиот број на пребарувачи ве прашуваат дали сакате да ја зачувате вашата лозинка за следниот пат полесно да се логирате на одреден налог. Нормално сите би сакале да мислат дека лозинките се сместени на некое безбедно место, меѓутоа откриено е дека е премногу лесно да се дојде до лозинките кои се сочувани на „Chrome“.
Како што откри програмерот Елиот Кембер се што треба да сторите во „Chrome“ за да дојдете до вашите или туѓите лозинки е да го упатите прелистувачот на „chrome://settings/passwords“ или само да ги пронајдете истите тие лозинки во понапредните подесувања на прелистувачот.
Кога ќе кликнете на зачуваните записи ќе се појави „покажи“ покрај зачуваната лозинка. Доколку го притиснете тоа пред вас ќе се појави зачуваната лозинка.
Тоа значи дека секој кој има пристап до вашиот пребарувач без поголеми проблеми може да дојде до зачуваните податоци.
