„Ferrari 812 Competizione“: Два V12 „ѕверови“ со 830 „коњи“ (ФОТО/ВИДЕО)

Од Маранело пристигнуваат два нови бисери од семејството „812“.

„Ferrari“ воведе две нови верзии опремени со атмосферски V12 мотор кој „врти“ до 9.500 вртежи во минута.

Тоа се „812 Competizione“ и „812 Competizione A“, со таканаречен „тарга“ покрив.

Двете верзии се напојуваат со 6,5-литарски V12 кој произведува 830 ks и 692 Nm, што е за 30 „коњски сили“ повеќе од „обичниот“- „812 Superfast“.

Покрај тоа, моторот „врти“ до 9.500 вртежи во минута, што е повеќе од кое било „Ferrari“.

Со маса нешто помалку од 1.500 kg, новото дуо на „Ferrari“ забрзува до 100 за фантастични 2,85 секунди, а до 200 km/h овие автомобили пристигнуваат за 7,5 секунди. Максималната брзина е 340 km/h.

Од „Ferrari“ не ја објавија точната цена на овие два автомобили, но се претпоставува дека тие ќе започнат со околу половина милион евра.

Сепак, тоа не е толку важно, бидејќи, како што се наведува, моделите „812 Competizione“ се распродадени однапред.