Основачот и извршен директор на производителот на електрични возила „Tesla“, Илон Маск заработи околу 11 милијарди долари во последната година, објави списанието „Forbes“.
Ова се должи на фактот дека во 2018-та година Маск се согласи да плати надоместок не во готово, туку во акции, кога ќе се постигнат одредени показатели за раст на компанијата. Списанието проценува дека во 2020-та година, компанијата му доделила на својот извршен директор право на откуп на акции по цена од 70 долари, во вредност од 13,3 милијарди долари, а Маск потроши 2,3 милијарди долари за нивно купување.
Така, приходите на извршниот директор на „Tesla“ минатата година изнесуваа 11 милијарди долари, десетици пати поголеми од оние на неговите најблиски конкуренти – Чад Ричисон, кој е на чело на „Paycom“, кој заработи 211 милиони долари во минатата година, и богатството на извршниот директор на „1Life Healthcare“, Амир Дан Рубин, кој има само 199 милиони долари.
Во исто време, публикацијата забележува дека Маск сè уште не е во можност да ја претвори својата заработка од акции во вистински пари, бидејќи според условите на договорот тој мора да ги чува најмалку пет години. Според условите на договорот на компанијата со извршниот директор, Маск ќе може да откупи 101,2 милиони акции ако бидат исполнети сите договорени цели, кои во моментов вредат 67,9 милијарди долари.
Според последните податоци на „Forbes“, Маск во моментов е втор најбогат човек во светот. Со богатство од 164,4 милијарди долари, тој е на второ место по основачот на „Amazon“, Џеф Безос (189,7 милијарди долари).
