Колку е издржлив „Huawei Mate X2“? (ВИДЕО)

Флексибилните телефони се сметаат за помалку издржливи во споредба со стандардните модели. Зак од популарниот „YouTube“ канал „JerryRigEverything“, одлучи да го вклучи најновиот телефон „Huawei Mate X2“ на вообичаениот тест за издржливост.

Предниот дисплеј на телефонот е покриен со стакло, така што тој се гребе од шестото ниво на скалата Мос, со подлабоки засеци од седмото ниво, што е вообичаено. Од внатрешна страна сепак има пластичен екран, каде се појавуваат гребнатини од второто ниво, со подлабоки засеци од третото ниво. Дури и гребење со ноктите остава траги.

Надворешниот дисплеј трае под отворен пламен околу 25 секунди, по што станува бел и не се опоравува. Внатрешниот екран станува црн под пламенот за околу десет секунди и исто така не се опоравува.

На крајот, тестот за виткање покажува дека „Huawei Mate X2“ не се наведнува ниту од „правилниот“ ниту од „погрешниот“ агол, што е импресивно, особено кога ќе се спореди со гејминг телефоните кои не се издржливи.