Пред повеќе од дваесет години, во 1997 година, еден пар купил две акции на тогаш новата компанија за книги за нивниот дванаесетгодишен син.
Со години по купувањето, синот сакал да ги продаде, но родителите инсистирале на задржување на акциите.
Тој онлајн продавачк на книги, 24 години подоцна, стана една од најголемите корпорации во светот, а семејството веројатно доби шест-цифрен поврат на инвестицијата.
Токму кога основачот на Амазон започна да им го пишува последното писмо на акционерите како извршен директор, семејството му ја раскажа таа приказна.
Копија од писмото на Безос, објавено во четвртокот, вклучува копија од писмото на двојката, Мари и Лери, но поради приватноста, Безос не ги објави нивните презимиња.
Писмото исто така го замагли точниот датум кога Мари и Лери ги купиле акциите, но детално беше објаснето како ги купиле, бидејќи, како што наведоа, тоа било сè што можеле да си дозволат во тоа време. Акциите беа поделени три пати во текот на последните две години, оставајќи го семејството со 24 акции. Според податоците собрани од „Инсајдер“, тие 24 акции сега вредат приближно 81.098 американски долари.
Годинава нивниот син Рајан планира да купи куќа и да продаде дел од акциите за да ја финансира таа набавка.
“Тие две акции имаа прекрасно влијание врз нашето семејство. Сите уживавме кога гледавме како расте вредноста на Амазон од година во година и тоа е приказна што сакаме да им ја раскажуваме на другите”, рече парот.
На крајот од писмото тие напишаа: П.С. „Би сакале да купивме 10 акции.
Извршниот директор на Амазон изјави дека луѓето постојано му се обраќаат со слични стории.
„Познавам луѓе кои ги користеа своите пари од Амазон за колеџ, итни случаи, домови, одмори, започнување на сопствен бизнис, за добротворни цели – и списокот продолжува“, напиша Безос.
Тој исто така вели дека е горд на богатството што Амазон го создаде за акционерите. „Тоа е значајно и ги подобрува нивните животи.
