Додека општеството се обидува да излезе од пандемијата на коронавирусот, „Will.i.am“ смета дека луѓето и натаму ќе продолжат да користат заштитни маски, пишува „CNBC“.
Раперот и претприемач објави дека ги здружил силите со „Honeywell“ за да создадат две верзии на високотехнолошката маска наречена „Xupermask“. Таа комбинира заштита и дизајн во еден производ според „Will.i.am“.
Основачот на групата „Black Eyed Peas“ сугерира дека маските кои денес се на пазарот ќе бидат исто толку вредни за потрошувачите, како еден пар патики „Air Jordan“. Според него, ова се добра со културна вредност, кои што „излегуваме и ги купуваме“.
„Маската треба да има ист вид внимание на деталите, љубовта и грижата, без да се загрозува естетиката, притоа заштитувајќи се себе си или другите луѓе“, рече раперот.
Целта на маската е да понуди полесно дишење преку нејзиното обложување. Тука интервенира тимот на „Honeywell“, доставувајќи т.н. „НЕРА“ филтри.
„Xupermask“ е со цена од 299 долари, а „Will.i.am.“ тврди дека нејзината вистинска вредност лежи во функционалноста и модерниот дизајн на безбедносната технологија. Маската вклучува „LED“ светла, вентилатори во три фази и слушалки што ја намалуваат бучавата. Ова решава голем број проблеми за кои се жалат корисниците кога носат нормални маски.
„Will.i.am“ ја опишува маската како инспирација од „футуристички научно-фантастичен филм“.
