Илон Маск, шефот на Tesla, SpaceX и ексцентричен американски милијардер, кој е речиси најбогатиот човек на светот, го користи Твитер за сè што ќе му падне на ум. Овој пат му текна да даде едноставен одговор на прашањето дали е вонземјанин.
Маск е познат како скептик кога станува збор за сведоштвата на луѓе кои велат дека виделе вонземјани. Во таа смисла, тој дури, се разбира, објави на Твитер графички приказ на кривата на раст на технологијата за резолуција на фотоапаратот со графикон на кривата на квалитетот на фотографиите со НЛО. Во случај на второто, тоа не е крива, туку хоризонтална линија.
Маск објави на Твитер претходно оваа недела дека „Земјата не е рамна, таа е шуплива сфера и таму живее Donkey King!“.
Меѓу бројните коментари и допаѓања, следеше прашањето дали е тој вонземјанин.
Маск одговори исклучително едноставно, всушност со три букви кои алудираа на зборот „очигледно“ и со тоа „призна“ дека е новодојденец од вселената.
Тој одговор, секако, предизвика лавина од нови реакции и мемиња.
Но, шала на страна, Маск навистина би можел да стане вонземјанин ако успее да го придвижи својот Starship за патување на Марс.
Во едно интервју минатата година, тој самоуверено рече дека луѓето ќе слетаат на Марс во следните шест години и дека „тоа ќе биде една голема авантура“, како и „една од највозбудливите работи што некому може да му се случи доколку преживее. “
