28 март, 2024
ПочетнаЕКОНОМИЈАКако Ковид-19 го смени најскапиот пазар на недвижнини во светот?

Како Ковид-19 го смени најскапиот пазар на недвижнини во светот?

Малата медитеранска земја Монако продолжува да биде најскапото место за купување имот, се вели во извештајот на консултантската компанија „Savills“.

Во 2020-та година, просечната цена на квадратен метар беше 47.600 евра (околу 55.800 американски долари), што претставува пад од 1,1% во споредба со 2019-та година, покажуваат податоците.

Сепак, има намалување на бројот на трансакции, соопшти компанијата. Минатата година тие беа за 11 проценти помалку отколку во 2019-та година.

Купувањето на вили и станови со четири или повеќе спални паднале за 53% и 38%, соодветно. Продажбата на недвижнини од над 10 милиони евра е 39% помала, се вели во извештајот.

Најголем број продажби се реализирани во областа Монте Карло. Тие сочинуваат 34% од вкупниот обем, што е раст од 14% на трансакциите.

„Savills“ коментира дека целокупниот пад на продажбата во Монако главно се должи на ограничувањата на патувањето предизвикани од пандемијата со Ковид-19 во минатата година.

Ова доведе до одлив на меѓународните играчи, а пазарот е воден главно од локалните купувачи.

Пандемијата влијаеше и на пазарот за изнајмување, кој забележа просечен пад на цената од 23% во 2020-та година до 89 евра за метар квадратен.

Сепак, анализите на компанијата се оптимистички за иднината и се верува дека по олеснувањето на мерките и падот на ограничувањата, повторно ќе има раст на трансакциите.

 „Интернационалниот интерес за Монако продолжи во 2020-та година и очекуваме да видиме раст на побарувачката и за продажба и за изнајмување на имоти откако ќе бидат укинати ограничувањата за патувања“, рече Ирене Лук, шеф на „ Savills “ во земјата.

Хонг Конг и Њујорк исто така ги задржуваат своите места на ранг-листата на „Savills“ и се рангираат на второ и трето место.

Купувањето по квадратен метар имот во азискиот град чинеше просечно 39.600 евра, додека во „Големото јаболко“ цената беше „едвај“ 22.200 евра за метар квадратен.

НАЈНОВИ ВЕСТИ

ХОРОСКОП