„Tencent Music Entertainment Group“ објави планови за откуп на акции за 1 милијарда долари откако нејзините акции котирани во САД доживеаја голем пад на вредноста во минатата недела, пишува „CNBC“.
Откупот започнува денес и ќе продолжи во наредните 12 месеци.
„Tencent Music“ е онлајн музичка единица на кинескиот технолошки гигант „Tencent“, кој управува со услуги за стриминг и апликации. Компанијата, која е котирана на берзата во Њујорк, минатата недела изгуби околу една третина од својата вредност при продажба на хартии од вредност во Кина.
Дел од продажбата дојде откако Комисијата за хартии од вредност (ЅЕС) донесе нов закон што може да доведе до спин-оф на странски компании кои ги прекршија новите правила за ревизија.
Дополнителен притисок се појави во петокот откако „Archegos Capital Management“ беше принуден да ги ликвидира своите позиции во некои од најголемите кинески технолошки компании.
„Tencent“ ќе откупи обични акции од класа А во форма на потврди за депозитар во САД, стои во соопшението од компанијата.
„Програмата за откуп на акции е силен показател за довербата на одборот во деловните изгледи и долгорочната стратегија и веруваме дека на крајот ќе има корист од „TME“ (Tencent Music Entertainment) и ќе создаде вредност за нашите акционери“, рече претседателот на Управниот одбор, Тонг Тао Сан.
