Меѓународниот тур-оператор „TUI“ ги намали плановите за летните одмори, намалувајќи го неговиот капацитет од јули наваму, на 75% од нивото во 2019-та година од 80%, бидејќи пикот на туристичката сезона во Европа не е на ниво.
Германската „TUI“ обезбеди неколку пакети од германската влада за спасување за да ја преживее пандемијата, и како и повеќето авиокомпании и туристички компании, се обложува на големо закрепнување на летото за да застане на нозе.
Но, надежите за закрепнување беа ставени под знак прашалник во текот на изминатата недела поради зголемениот број случаи на Ковид-19 во некои европски земји, вклучително и Германија, која заедно со Велика Британија има најмногу клиенти на „TUI“.
Пред пандемијата, компанијата се грижеше за одморите на 23 милиони луѓе годишно. Според неа, за летото 2021-ва година има 2,8 милиони резервации, а од февруари се организирани 180.000 нови патувања. Ова ниво на резервации е 60% под нивото од 2019-та година, пред пандемијата, кога луѓето можеа слободно да патуваат.
„TUI“ ги опиша резервациите како охрабрувачки и рече дека вакцините и мерките за брзо тестирање за Ковид-19 значат дека „има причина да се очекува со голем оптимизам“.
Во Велика Британија, луѓето се жедни за летно бегство на медитеранските плажи но се бомбардирани со скоро секојдневни предупредувања од властите дека е прерано да се резервираат патувања во странство за ова лето.
Но, директорот на „Ryanair“ во средата рече дека луѓето треба да ги игнорираат владините совети и да направат резервации, велејќи дека напредокот со вакцините значи дека земјите нема да можат да запрат на подолго патување.
Во Германија, каде што бројот на заразени расте експоненцијално, владата во понеделникот објави дека луѓето што патуваат во странство ќе мора да покажат негативен тест за Ковид-19 пред да се вратат дома – потег што „TUI“ тврди дека го поддржува.
Но, дебатата за меѓународните патувања продолжува и сè уште има простор за општа забрана за патувања или карантин во Германија.
