Регулаторна комисија за енергетика одлучи да изврши намалување на малопродажните цени на нафтените деривати во просек за 1,35 проценти во однос на Одлуката од 15.3.2021 година, информира Комисијата.
Малопродажните цени на бензините Еуросупер БС-95, Еуросупер БС-98 и на Еуродизел се намалија за 0,50 денари за литар, додека малопродажната цена на Екстра лесното масло за домаќинство се намали за 1,00 денар за литар.
Малопродажната цена на Мазутот М-1 НС се намали за 0,818 ден/кг и сега изнесува 35,393 ден/кг.
Од денеска максималните цени на нафтените деривати ќе бидат следните:
Моторен бензин ЕУРОСУПЕР БС-95 67,00 денари за литар,
Моторен бензин ЕУРОСУПЕР БС-98 69,00 денари за литар,
Дизел гориво ЕУРОДИЗЕЛ БС (Д-Е V) 56,50 денари за литар,
Масло за горење Екстра лесно 1 (ЕЛ-1) 45,50 денари за литар,
Мазут М-1 НС се продава по цена од 35,393 денари за килограм.