„HMD Global“ ќе одржи настан на 8-ми април за време на кој се очекува да бидат претставени најмалку три нови телефони на „Nokia“. Покрај „Nokia Х10“ и „Nokia Х20“, кои ќе бидат достапни како 5G телефони, се очекува и буџетскиот „Nokia G10“.
Сега се појавија информации за моделот „G10“, а изворите сугерираат дека телефонот ќе има 6,38 инчен ЛЦД-екран со HD + резолуција и батерија од 4.000mAh. Тој ќе се напојува од окта-јадрен процесор, за што архитектурата и брзината на тактот не се потврдени.
„Nokia G10“ ќе има четири камери на задната страна, имено 48MP главна, 5MP ултра широка, 2MP макро и 2MP сензор за длабочина. На предната страна ќе има селфи камера од 16MP.
Достапните информации сугерираат дека „G10“ ќе биде достапен со 3 GB или 4 GB RAM меморија, а исто така ќе има опции за избор помеѓу 32 GB и 64 GB простор за складирање.
Се посочува дека очекуваната почетна цена за „Nokia G10“ ќе биде околу 139 евра.
