Македонија е на 46-то место според Индексот на економски слободи. Според податоците објавени од угледниот американски „The Heritage Foundation“, иако со пад од 0,9 поени, нашата држава е најдобро рангирана во регионот.
Северна Македонија е рангирана на 27-то место меѓу 45 земји на Европа, а нејзиниот вкупен резултат е под европскиот просек, но над светскиот просек.
Од земјите во регионот, Северна Македонија е рангирана на 46-то место, следена од Словенија, која е 48-та, и Србија, која е 54-та, и Косово, кое е на 58-та позиција, додека Хрватска заостанува и е на 79-то место.
Како што вели извештајот, рангирањето во Северна Македонија спаѓа во категоријата умерено слободна оваа година. За да се сврти курсот кон поголема економска слобода, првиот приоритет на владата треба да биде реформа на судството, скапиот и превработен јавен сектор и другите државни институции. Постигнувањето на друга цел е, промовирање на странски директни инвестиции во извозно-ориентирана индустрија, и да биде охрабрена со посилно спроведување на антикорупциските статути.
Инаку, според индексот на „The Heritage Foundation“, Сингапур има најслободна економија во светот, додека Нов Зеланд, Австралија, Швајцарија и Ирска имаат вкупен резултат од над 80 поени и се „економски слободни земји“.
Зголемување на економската слобода забележале 89 од 178 рангирани земји во индексот за 2021 година. Резултатите паднале во 80 земји, а во девет ситуацијата останала непроменета.
