петок, јануари 21, 2022
ПочетнаКОМПАНИИ„Samsung“ ќе изгради фабрика од 17 милијарди долари во САД

„Samsung“ ќе изгради фабрика од 17 милијарди долари во САД

„Samsung Electronics Co Ltd“ ќе избере помеѓу две места во Аризона, едно во Њујорк и едно во Остин, Тексас, за изградба на нова фабрика за чипови во вредност од 17 милијарди долари, објави „Reuters“, повикувајќи се на документи доставени до локалните власти во државата Тексас.

Според документите, даночните попусти за компанијата би биле 1,48 милијарди долари за период од 20 години во округот Тревис, Тексас.

Компанијата „Samsung“ исто така разговара во Аризона и Њујорк, со обете држави кои нудат даночни попусти и „значителни грантови и вратени даночни кредити“ за финансирање на подобрувања во инфраструктурата.

Новата фабрика што „Samsung“ планира да ја изгради ќе произведува „напредни логички уреди“ за бизнисот со чипови на компанијата и може да создаде 1.800 работни места.

„Samsung“ веќе има фабрика за чипови во Остин, Тексас, која се очекува да го продолжи производството за неколку дена откако беше исклучена поради лошите временски услови во државата.

Меѓу американските клиенти на бизнисот со чипови на „Samsung“ се компании како „Tesla Inc“, „Qualcomm Inc“ и „Nvidia“.

„Samsung“ разгледува голем број можности за проширување на својот бизнис, изјави за „Reuters“ портпаролот на компанијата, без дополнително објаснување.

НАЈНОВИ ВЕСТИ

ХОРОСКОП