Компанијата „Mini“ претстави три различни концепти на возила за кампери и авантуристи. Веднаш да разјасниме, „Mini“ во моментов не планира сериско производство на ваква опрема за авантуристи, но не е исклучено во иднина тоа да се случи.
За „Clubvan Camper“ од „Mini“ тврдат дека тоа е најмалиот луксузен караван во светот. Во просторот за одмор се наоѓа кревет, како и мини кујна во која се наоѓа шпорет и фрижидер.
Интересно е дека во опремата на моделот „Clubvan“ има и телевизија, навигациски систем, а дури и мал туш со резервоар за вода под подот.
„Countryman All4 Camp“ е наменет за авантуристите. По примерот на „off-road“ моделите познати од авантуристичките експедиции, овој модел е опремен со шатор кој е монтиран на покривот на автомобилот.
Од „Mini“ тврдат дека ова решение може да се користи и на хечбек моделот со три врати и на моделот „Clubman“.
Во текот на возењето шаторот е сместен во специјална кутија на покривот, а по монтирањето во него може да спијат двајца возрасни.
Третото решение е за кампери и ја има ознаката „Cowley“ кој е наречен по местото кое е недалеку од „Oxford“, а каде се наоѓа седиштето на компанијата „Mini“.
Во приколката можат да преспијат двајца возрасни кои за време на кампувањето можат да користат шпорет со две рингли, резервар за вода за мијалникот, фрижидер, радио или телевизија. Полњачот за празната батерија се напојува со соларна енергија.
Приколката е тешка само 300 килограми, а е само 12 сантиметри е поширока од моделот „Mini Clubman“.