„Mitsubishi“ претстави сосема нов „Outlander“ кој го краси новиот дизајнерски јазик на овој производител.
Новиот „Outlander“ веројатно ќе ги подели љубителите на автомобили, но малкумина ќе останат рамнодушни на надворешниот дизајн, особено на неговиот преден дел.
Колку и да е важен изгледот на овој модел на пазарот за „Mitsubishi“, важен е и за партнерот „Nissan“, кој поседува 34% од акциите на овој производител.
Патем, „Outlander“ споделува и механичка платформа со новиот „Nissan Rogue“, како што се нарекува „X-Trail“ на американскиот пазар.
Автомобилот според димензиите порасна во споредба со неговиот претходник.
„Mitsubishi“ наведува дека новиот „Outlander“ е 5 cm поширок од порано, додека меѓуоскиното растојание е зголемено од 2.669 mm на 2.705 mm.
Патниците на предните седишта добија дополнителни 2,54 cm за нозете, а оние од вториот ред 2,79 cm.
Надворешни димензии на возилото се должина од 4.680mm, ширина од 1.860 mm, како и висина од 1.747 mm.
„Outlander“ има 3 реда седишта, така што може да превезува вкупно до 7 патници.
Кога потпирачите за грб од вториот и третиот ред се преклопуваат, ќе добиете корисен простор за транспорт на работи долги 204 cm, што е за околу 35 cm повеќе отколку кај неговиот претходник.
Внатрешноста го покажува влијанието на „Nissan“ во дизајнот. Дигиталните екрани се земени од моделот „Rogue“, како и некои други контроли, а има и 12,3-инчна дигитална табла со инструменти.
Внатрешноста може да се нарача и во кожна варијанта, додека доза на луксуз во овој автомобил обезбедуваат и декоративните елементи изработени од алуминиум.
Новиот „Outlander“ нуди повеќе системи за асистенција како стандардна опрема, отколку неговиот претходник.
Во суштина, станува збор за ребрендирана технологија на „Nissan“ со ознака „MI Pilot Assist“.
Меѓу безбедносните системи, адаптивен темпомат, помош за одржување на возилото во сообраќајната лента, како и помош на возачот во услови на стоп-старт, каде што автомобилот забавува, застанува и стартува повторно (ако не запрел повеќе од 30 секунди), следење на возилото пред вас.
Долгиот список на системи за помош на возачот вклучува и технологија за „читање“ на сообраќајните знаци, автоматски долги светла, систем кој предупредува на можен фронтален судир, автоматско сопирање во случај на опасност, предупредување на возила во мртвиот агол…
Новиот „Outlander“ првпат беше претставен на американскиот пазар, а моторот се состои од 2,5-литарски бензински мотор за кој велат дека е развиен во рамките на алијансата „Nissan-Renault“.
Погонскиот агрегат развива 184 ks при 6.000 вртежи во минута и максимален вртежен момент од 245 Nm при 3.600 вртежи во минута.
Силата се пренесува на тркалата преку 8-степен автоматски „CVT“ менувач.
Цената на новиот „Mitsubishi Outlander“ во САД започнува од 25.795 долари.
За споредба, „Nissan Rogue“ чини 25.650 долари, „Toyota RAV4“ е 26.150 долари, а „Honda CR-V“ 25.350 долари.
