Швајцарскиот концерн за храна „Nestle SА“ го продаде својот бизнис со флаширана вода во Соединетите Држави и Канада на акционерската компанија „One Rock Capital Partners“ за 4,3 милијарди долари, додека гигантот за храна продолжува да го ажурира своето портфолио, пренесува „Bloomberg“.
Продажбата на „One Rock“, која е партнер со „Metropoulos & Co.“, вклучува познати брендови, вклучително и „Poland Spring“ и „Deer Park“. Интернационалните премиум брендови на „Nestle“, вклучувајќи ги „Perrier“, „San Pellegrino“ и „Acqua Panna“, не се дел од зделката.
Во јуни, „Nestle“ објави стратешки преглед на деловните активности, бидејќи планира да го изостри фокусот на своето глобално портфолио за вода. „Bloomberg“ објави претходно овој месец дека компанијата разговара за продажба на бизнисот на „One Rock“.
Производителот на храна го ажурира своето портфолио и продава средства откако Марк Шнајдер стана извршен директор во 2017-та година, бидејќи се фокусира на области со побрз раст како кафе и храна за домашни миленици, а притоа посветува помалку внимание на закуските.
Продажбата на флашираната вода беше под влијание на падот на оброците надвор од домот за време на пандемијата.
Северноамериканскиот бизнис со вода на „Nestle“ оствари приход од околу 3,4 милијарди франци (3,8 милијарди долари) во 2019-та година, со исклучок на меѓународните брендови.
Соочен со притисок од активистите кои бараат профит, Шнајдер го смени фокусот на најголемата компанија за храна и пијалоци во светот од спакувани закуски и инвестираше во повеќе реномирани проекти, вклучувајќи го и лансирањето на првиот вегански „KitKat“.
Минатата година, „Nestle“ лансираше на пазарот замена за колбаси, а исто така произведува мелено месо од растително потекло, како и сладолед и производи од кафе без млеко.
