Акциите на „SoftBank Group“ го завршија тргувањето со рекордно високо ниво во вторникот, надминувајќи го пикот што го достигнаа за време на меурот од „дотком“ откако инвеститорите преку Интернет го прославија закрепнувањето на вредноста на технолошкото портфолио на компанијата, пренесува „Reuters“.
Акциите на „SoftBank“, една од клучните компоненти на индексот „Nikkei 255“, кој достигна максимум во последните 30 години, го заврши денот со раст од 4% до 10.420 јени. Тоа е повеќе од рекордните 10.111 јени достигнати во февруари 2000-та година.
Сето ова се случува благодарение на откуп на акции и малопродажните инвеститори кои ги купуваат нејзините акции.
Враќањето на јапонскиот конгломерат, при што цената на неговите акции скокна за скоро 300% од ниските достигнати во март, кога пандемијата го погоди нејзиното портфолио, доведе до прослава меѓу неговите поддржувачи на Интернет.
„„SoftBank“ ќе достигне 11.000 јени до април“, напиша еден. Акциите на групата се искачуваа секојдневно на 11.000 јени во февруари 2000-та година пред да пропаднат.
Објавите на социјалните мрежи на извршниот директор на „SoftBank“, Масајоши Сон, содржат повеќе афоризми со кои тој се обидува да ги пренесе своите пораки, наспроти „мемињата“ што го направија извршниот директор на „Tesla“, Илон Маск, омилен кај малопродавачите.
Зголемената цена на акциите на „SoftBank“ ја поттикна нејзината пазарна капитализација на над 200 милијарди долари, откако една година претходно беше под онаа на „Sony“ и беше на третото место според индексот.
Како пример на компанија поддржана од „SoftBank“, фокусирана на пазарот, со рекордно собирање на капитал, јужнокорејската компанијата за е-трговија „Coupang“, минатата недела поднесе барање за котација во САД. Таа се стреми на проценка од 50 милијарди долари.
