Досега онлајн се пријавиле над 37 000 граѓани за вакцинирање против Ковид-19.
Првите 8000 вакцини од компанијата „Фајзер“ кои ни ги отстапи Србија се очекува да пристигнат следните денови, а кон средина на месецов се очекуваат и 200 илјади вакцини од кинеската „Синофарм“.
Примопредавањето на вакцините беше најавено пред два дена но потоа во последен момент беше одложено за наредните денови, бидејќи Србија сè уште нема добиено одобрение од „Фајзер” за пренамена на вакцините за македонски пазар.
Над 37000 граѓани досега се пријавиле преку онлајн апликацијата за вакцинирање против Ковид-19.
Веб-страницата https://vakcinacija.mk беше пуштена во функција пред три дена, а на неа може да се пријави секој граѓанин заинтересиран за вакцинација. Освен на овој начин, пријавувањето за вакцинирање ќе може да се врши и преку матичните лекари преку системот „Мој термин”.
