Мисијата на Обединетите Арапски Емирати за Марс има за цел да обезбеди целосна слика за атмосферата на таа планета, а жени сочинуваат 80 проценти од научниот тим на таа амбициозна програма.
Првата мисија на Марс која ја покренаа Обединетите Арапски Емирати треба да влезе во орбитата на планетата во вторник по седуммесечното патување од 494 милиони километри.
Тоа би ги направило ОАЕ петтата вселенска агенција која стигнала до црвената планета и ќе биде првата меѓупланетарна мисија предводена од арапска земја.
Мисијата на Марс, која чинела околу 200 милиони долари, го лансираше вселенското летало “Хоуп” од јапонскиот вселенски центар.
Претседателот на Вселенската агенција на ОАЕ и министерката за напредни науки на Емиратот, Сара Ал-Амири, изјави дека нејзината земја се радува на почетокот на истражувањето на вселената.
Таа исто така потврди дека жените го сочинуваат мнозинството од тимот на мисијата Марс.
„Нашиот научен тим се состои од 80 проценти жени. Тие се таму по заслуги и врз основа на нивниот придонес во дизајнирањето и развојот на мисијата. „Лично, немав никакви проблеми во кариерата кога работев во вселенскиот центар пред скоро 12 години или подоцна кога станав министер“, изјави Ал-Амири за ДВ.
Сара Ал-Амири има 33 години, родена е во Иран и е една од најмладите светски министри и жени кои ја водат вселенската агенција. Таа дипломирала во 2008 година на Американскиот универзитет во Шаржа, а во 2019 година била поканета да зборува на Светскиот економски форум во Давос и е позната како првиот граѓанин на ОАЕ кој бил поканет да одржи меѓународен говор на Тед.
