Компанијата „Kraft Heinz“ објави дека го продал „Planters“ и другиот бизнис со јаткасти плодови на „Hormel“ за 3,35 милијарди долари, пренесува „CNBC“.
Договорот вклучува поголем дел од производите на „ Planters “ и брендот „Corn Nuts“. „Hormel“ исто така ќе добие глобални права на интелектуална сопственост на двата бренда, кои имаат лиценца за трети земји. Бизнисот донесе приход од околу 1,1 милијарда американски долари на „Kraft Heinz“, претежно во САД.
Цената на акциите на „Kraft Heinz“ пораснаа повеќе од 1% пред почетокот на тргувањето и откако компанијата ги надмина прогнозите за заработка и профит. Акциите на „Hormel“ останаа непроменети.
Како дел од долгогодишните напори на деловниот пресврт на „Kraft Heinz“, менаџерите во септември изјавија дека нивниот пристап е променет, од гледањето на портфолиото на компанијата како серија производи до тоа како може да ги задоволи различните потреби на потрошувачите.
Во исто време, „Kraft Heinz“ се разделува со помалку популарни производи во своето портфолио – продаде дел од бизнисот со сирењa „Lactalis“ за 3,2 милијарди долари.
Во изјавата, извршниот директор Мигел Патрисио рече дека продажбата на бизнисот со јаткасти плодови ќе и помогне на компанијата да се фокусира на други брендови закуски како што се „Lunchables“ и „P3“.
Извршниот директор на „Hormel“, Џим Сни, рече дека договорот ги проширува можностите за идни зделки.
„Аквизицијата на „Planters“ додаде уште 1 милијарда американски долари на нашето портфолио и значително го проширува нашето присуство во оваа растечка област“, рече тој во изјавата.
