Колку ќе заработи “Pfizer” од вакцината против коронавирус

Американскиот фармацевтски гигант Pfizer во вторникот објави дека во 2021 година очекува приход од околу 15 милијарди долари од продажбата на вакцини за коронавирус што ги разви со германски BioNTech.

Pfizer, заедно со германскиот BioNTech, ја развија вакцината против Ковид – 19, која беше меѓу првите одобрени за употреба во САД кон средината на декември минатата година. На крајот на декември беше одобрена и во ЕУ.

Во периодот од октомври до декември 2020 година, продажбата на таа вакцина им донесе приходи на „Pfizer,“ од 154 милиони долари, покажа деловниот извештај објавен во вторникот.

Вкупните приходи на американскиот фармацевтски гигант во последните три месеци од минатата година пораснаа за 12%, на 11,7 милијарди долари.