Шпанската полиција соопштила дека во средата растурила мрежа на измамници кои обичните возила ги менувале за да личат на модели од луксузни марки, како Ферари, а потоа ги продавале на интернет.
Во тек на претресот на две гаражи во Валенсија уапсени се осум луѓе и запленети биле 19 возила од кои 17 лажни од марката Ферари и две имитации на Астон Мартин.
„Најверојатно луксузните автомобили ги рекламирале на две интернет страни и ги продавале по цена од околу 40.000 евра по примерок, додека автентичниот модел во легална продажба чини повеќе од 200.000 евра“, изјавил преставник на полиција.
Осомничените ги правеле деловите за каросеријата од фиберглас и изработувале лажни ознаки за да ги трансформираат автомобилите. Тие оваа измама ја довеле до совршенство така што нивниот краен производ, како во внатрешниот, така и во надворешниот изглед до најситен детал изгледаа како оргиналниот модел.
Во соопштението не се наведува дали некој купувач навистина наседнал на измамата, затоа што е неверојатно некој кој ќе се одлучи да купи Ферари би бил толку наивен.
